Education Gobierno Social

Minister Endy Croes y Minister Rocco Tjon a reuni cu profesornan y ekipo cu pronto lo haci investigacion riba e topico “Quality of Life of the Aruban Youth”.

ORANJESTAD: Durante siman Minister Endy Croes hunto cu colega Minister Rocco Tjon a reuni cu  investigadonan academico di IPA y Vrije Universiteit van Amsterdam cu pronto ta inicia cu un investigacion grandi riba e calidad di bida di hubentud di Aruba. Hunto cu e  profesionalnan den e campo aki a haci un bishita pa asina finalisa e ultimo preparacionnan pa inicia cu e proyecto. Nomber di e investigacion ta “Quality of Life of the Aruban Youth”.

Cultura Gobierno Social

Prome Minister Evelyn Wever – Croes: Pabien pa e reconomento bon mereci!

ORANJESTAD – Recientemente Prome Minister Evelyn Wever – Croes tabata presente na un ceremonia na Cas di Cultura, caminda cu a reconoce tur grupo folklorico y cultural cu a participa na e dos encuentronan multicultural di e ultimo añanan. E encuentronan a enfatisa e importancia di dialogo y celebracion di diversidad multicultural. Banda di esaki,  na e ocasion a tuma un rato pa para keto y conmemora “Dia di Rasa”.

Politica

Parlamentario mr. Gerlien Croes

Pueblo di Aruba tin cu keda cu e animo pa sigui lucha den e situacionan menos bon cu e pais ta bibando aden. Asina Parlamentario pa fraccion di AVP, Gerlien Croes a declara durante conferencia di prensa. “Nos ta scuchando den practicamente tur cas cu nos ta bishitando e mesun kehonan, cu costo di bida ta birando hopi caro, unda cu ciudadanonan di tur edad, ta haya nan mes den situacionnan ainda mas dificil di locual e tawata caba.

Gobierno Salud

Prome Minister Evelyn Wever-Croes: EXIGENCIA DI VISA TA UN ASPECTO HOPI IMPORTANTE DEN DECISION SI TA HABRI FRONTERA CU VENEZUELA OF NO

ORANJESTAD- Diaranson mainta, durante reunion publico den Parlamento, Prome Minister señora Evelyn Wever-Croes y Minister di Husticia, señor Rocco Tjon, a duna splicacion amplio riba e tematica di frontera cu Venezuela. Prome Minister a elabora riba e aspectonan riba cua e comision encarga a conseha pa Gobierno tene cuenta cu nan den e decision pa habri frontera si of no. E aspectonan ta entre otro Asiel; Violacionnan di derecho humano na Venezuela; DVG; y Visa.

Cultura Gobierno Social

𝗠𝗜𝗡𝗜𝗦𝗧𝗘𝗥 𝗗𝗜 𝗖𝗨𝗟𝗧𝗨𝗥𝗔 𝗬 𝗖𝗖𝗗𝗡 𝗧𝗔 𝗜𝗡𝗩𝗜𝗧𝗔 𝗧𝗨𝗥 𝗚𝗥𝗨𝗣𝗢 𝗗𝗜 𝗦𝗜𝗡𝗧 𝗬 𝗣𝗜𝗘𝗧 𝗣𝗔 𝗜𝗡𝗦𝗖𝗥𝗜𝗕𝗜 𝗣𝗔 𝗬𝗘𝗚𝗔𝗗𝗔 𝗗𝗜 𝗦𝗜𝗡𝗧𝗘𝗥𝗞𝗟𝗔𝗔𝗦 𝟮𝟬𝟮𝟮.

Minister di Cultura Xiomara Maduro conhuntamente cu Comision Celebracion Dianan Nacional ta haci un invitacion na tur grupo di Sint y Piet pa inscribi y participa na yegada di Sinterklaas 2022. E aña aki e gran yegada di Sinterklaas lo ta den su forma tradicional bek cu musica, baile y hopi emocion pa grandi y chikito. E aña aki tin varios cambionan bunita pa mantene e fiesta di mas grandi di nos mucha bibo pa e siguiente generacion. Tur grupo di Sint y Piet por inscribi via whatsapp na 593-6187 pa haya tur informacion. Ultimo dia pa inscribi ta Diamars, 18 di october 2022. #MinFIC

carnaval Farandula Social

Balashi 13 oktober 2022. Durante di conferencia di prensa awetardi na Balashi Gardens.

Sra Edwina Werleman Presidente di Sichting Musica ahiba palabra y a comparti agenda di e festival mas grandi di nos pais cu ta e Festival di Caiso y Soca Monarch.Sichting Musica ta cla pa celebra e genero di Soca y Caiso music! Soca, the Soul of Calypso, generonan di musica contagioso cu a bin for di Caribe y ta captivando henter mundo. Durante e ultimo decada aki, Stichting Musica a traha incansablemente pa eleva e nivel di produccionnan cu ta participa na e festival, Aruba Caiso & Soca Monarch. Nos meta principal tabata pa nos artista y bandanan local ricibi reconocemento internacional, pa nan produci musica cu por wordo toca na cualkier parti di mundo.

medio ambiente Noticia Turismo

FUNDACION PARKE NACIONAL ARUBA: COMPETENCIA DI FOTOGRAFIA DI NATURALESA 2022 TA HABRI PA PARTICIPACION

 ORANJESTAD, ARUBA, 13 OCTOBER 2022 – Fundacion Parke Nacional Aruba (FPNA), hunto cu Post Aruba, ta contento di por comparti cu su di tres comptencia anual di fotografia di naturalesa ta habri pa participacion. E tema di e aña aki ta Aruba su Flor Nativo y FPNA ta invita tur mucha, joben y adulto pa participate y experiencia con maraviyoso y diverso Aruba su biodiversidat di flornan ta. Como parti di FPNA su colaboracion cu Post Aruba, e ganadornan di e competencia lo wak nan potret bira un stampia cu lo wordo usa ora di manda post. Aruba su biodiversidad di flor ta increibelmente diverso, y cu Aruba su flor nativo central den e competencia di fotografia aki, FPNA su proposito ta pa consientisa y educa comunidad di Aruba con importante e ta pa proteha y conserva Aruba su mata y flornan nativo. E competencia di fotografia ta habri den cuater categoria y ta sera dia 14 di november 2022.

Education Gobierno

Minister Endy Croes: 𝗟𝗔 𝗦𝗔𝗟𝗟𝗘 COLLEGE  EXAMENKLAS 𝗔 HACI UN 𝗕𝗜𝗦𝗛𝗜𝗧𝗔 NA MINISTER DI ENSEÑANSA Y DEPORTE Y PREMIER WEVER-CROES ASERCA DI CON PAIS ARUBA TA WORDO GOBERNA

Minister di Enseñansa y Deporte Endy Croes hunto cu nos Premier Wever-Croes, a ricibi bishita di alumnonan di examenklas di La Salle College. Un total di 36 alumno  y 3 docente a realisa e bishita aki. Prome alumnonan y docentenan a bishita Parlamento di Aruba na unda cu nan a ricibi informacionnan con Parlamento di Aruba ta funciona, cu ta esnan cu tin tarea pa controla Gobierno y despues e alumnonan a pasa pa Bestuurskantoor na unda cu Premier Wever-Croes y Minister Endy Croes a ricibinan y duna un amplio informacion y splicacion con Aruba ta wordo goberna y aserca di cada funcion. Prome Minister a cuminsa ta elabora un poco riba e trabou di un Minister, responsabilidadnan, Conseho di Minister y e organo mas halto cu ta tuma decision den gobierno. Despues Minister Endy Croes tambe a splica aserca di tur su trabounan como Minister di Enseñansa y Deporte y cu apesar di tur retonan den enseñansa cu ta existi, ta trahando pa logra soluciona cada un di e retonan akin a bienestar di nos studiantenan y maestronan.

Gobierno

Minister Endy Croes:
A REUNI CU SR JOHN HUIZING DIRECTOR DI ROVC ‘REGIONAL OPLEIDINGS EN VORMING CENTRUM’ DI EDE HULANDA

ORANJESTAD-Recientemente Minister Endy Croes a reuni cu director di ROVC sr John Huizing, cu ta den un comercieel opleidingsinstituut pa cu technische ‘opleidingen’ y tambe cursonan pa esnan cu ta buska trabou of ta trahando y ta desea un diploma of certificado. Minister Endy Croes a bishita sr Huizing durante e ‘vierlanden overleg’ na maart ultimo y a cera e contacto y recientemente sr Carlos Martinez,cu ta encarga awo cu OAA ‘Avondleergangen Aruba’ a viaha pa Hulanda na juni ultimo pa haci mas conexion y conocemento di e opleidingen aki.Actualmente sr Huizing ta na Aruba pa un siman pa yuda sr Martinez,pa cu preparacionnan y e cursonan nobo pa OAA.

This will close in 0 seconds