Deporte Homenahe Politica

Parlamentario Marco Berlis (MEP): Bunita anochi di homenahe na hungadornan y directiva di S.V. Juventud Tankileendert “Buffalo” 1998

Diabierna 14 di October 2022, na club huis di SV Juventud Tankileendert, a tuma lugar un anochi special pa duna homenahe na e hungadornan y directiva di e ekipo cu na 1998 a coi campeon di Division Prome. E ekipo aki a logra promove pa Hoofd Klas di AVB pa prome biaha den su historia. Tabata un anochi hopi special y ameno pa tur esnan presente cu tabata tin hopi tempo sin wak otro. JTL a keda varios aña hungando den Hoofdklas despues di e logro grandi aki.

energia Politica

Parlamentario Ryçond Santos do Nascimento

Na momento cu pueblo a haya su recibo di awa y coriente luna cu a pasa, por bisa cu e recibonan aki, no ta gaña ya cu nan ta mustra e realidad di prijs di awa y coriente na Aruba. Parlamentario pa fraccion di AVP, Ryçond Santos do Nascimento a mustra cu e prijsnan aki tambe tin su impacto directo riba tur otro aspecto di bida di ciudadanonan: “E ta un realidad di bida y esaki no tabata algo cu nos mester a pasa dor di dje. Esaki ta resultado di mal maneho y locual Pueblo por a mira di parti di Minister Glenbert Croes, como mandatario di MEP y di e gobierno actual, ta simplemente un desaster.

Politica

Parlamentario Marco Berlis (MEP): MEP ta para pa integridad, transparencia y seriedad

Prome y durante nos entrada di MEP como politiconan nobo nos a wordo instrui cu e plataforma ta pone enfasis riba transparencia, integridad y virtudnan moral importante. Alaves nos a wordo informa cu si toch nos ta dicidi pa desvia di e norma y balornan aki, y cualkier persona hay’e den problema cu husticia pa via di esaki, esakinan lo mester sinta riba nan mesun blaar. Algo cu sigur ami ta kere den dje y ta para pe. Ta pesey ora cu informacionnan a cuminsa drenta cu algo no ta bon na Aruba Huis, Minister President Evelyn Wever-Croes a dicidi di habri un investigacion mesora. Esaki a wordo informa na Parlamento y ta algo cu a wordo comunica publicamente, pasobra nos partido no ta para pa nada cu ta atacha integridad ni bon gobernacion. E ta e seriedad aki cu ta haci cu mi por papia y skirbi di e investigacion aki pasobra transparencia y integridad semper lo keda un prioridad pa nos fraccion.

Cultura Gobierno

Prome Minster Evelyn Wever – Croes:
GOBIERNO DI ARUBA TA BRINDA HOMENAHE NA TALI PA SU CONTRIBUCION CULTURAL MUSICAL

ORANJESTAD – Recientemente Prome Minister Evelyn Wever – Croes den nomber di Gobierno di Aruba, tabata presente na e ocasion cu a brinda homenahe na Nero Tali Wever. Tali ta un legendario musical cu ta forma parti di Aruba su herencial cultural musical y cu a traves di su talento y carera tabata un embahador pa Aruba rond mundo. Premier Wever – Croes a representa Minister Xiomara Maduro cu actualmente ta den exterior y cu no tabata presente. E homenahe a tuma luga na Cas di Cultura hunto cu famia, conoci, amigonan y sernan keri di Tali.

Gobierno Social

PROME MINISTER EVELYN WEVER-CROES TA FELICITA SCOUTING ARUBA CU INSTALACION DI NAN HOOFDCOMMISSARIS Y DIRECTIVA NOBO

Tambe Prome Minister a felicita y gradici tur miembro presente pa ta forma parti di un organisacion asina importante. E organisacion aki ta invertiendo den formacion di persona, como futuro lidernan cu ta desaroya nan abilidad di por ta social, creativo, deportivo, spiritual pero principalmente cuidadanonan responsabel. Aruba mester di cuidadanonan fuerte y sano pa hiba Aruba dilanti como hende ehemplar den pensamento, actuacion y cu por carga responsabilidad. Ademas ta spera cu tur verkenner y explorer a disfruta di un dushi campamento di JOTA/JOTI (Jamboree On The Air y Jamboree On The Internet) y cu a logra comunica cu hopi scout rond mundo manteniendo contacto y formando amistadnan nobo.

Noticia Politica Social

Parlamentario Darlaine Guedez-Erasmus (MEP): Arubus a mira e importancia y mi ta agradecido pa esey!

Aña pasa den luna di october FAVI a bini di bishita na Parlamento di Aruba y como Parlamentario mi a probecha di e oportunidad pa asina combersa cu e clientenan. Den combersacion mi a hacinan e pregunta kico ta puntonan di atencion cu nan ta desea di wak mehoracion a corto plaso y a largo plaso. Algo cu a resalta hopi ta nan gana y necesidad pa ta mas inclui den comunidad door di por ehempel ta mas independiente. Specificamente nan a menciona cu pa e parti di transporte publico nan ta haya hopi dificil pa sa ki ora nan ta yegando nan destinacion. Nan tin e deseo di por tin un guia mas mihor den e bus, pa asina sinti siguransa pa cu uso di bus tambe.

Gobierno Integridad

Prome Minster Evelyn Wever – Croes: EXITO NA DEPARTAMENTONAN DI GOBIERNO CU A INICIA CU TRAINING TOCANTE INTEGRIDAD NA TRABOU

ORANJESTAD – E siman aki a inicia sesion di training door di Bureau Integriteit Aruba (BIA), tocante Integriteit op de werkvloer” / Integridad na trabou. Prome Minister Evelyn Wever – Croes conhuntamente cu Minister Geoffrey Wever cu a representa Minister Ursell Arends encarga cu e cartera di integridad, a yama bon bini na directornan di e departamentonan di gobierno cu ta inicia cu e training y desenana exito.

Noticia Salud

Veterinaire Dienst

ARUBA- 13 oktober 2022. Veterinaire Dienst ta recorda tur persona cu kier sacrifica un cabrito, carne of porko pa consumo mester haci esaki na Abattoir.  Matamento di bestia na cas ta ilegal y por tin su riesgo pa cu salud di hende. Tur hende cu kier haci uso di servicio di Abattoir pa sacrifica un bestia durante luna di November y December 2022 por haci esaki for di Dialuna te cu Diahuebs, parti mainta cuminsando for di dialuna 14 di november te cu dialuna 19 di december 2022. 

Politica Social

Parlamentario Ricky Hoek (MEP): Pabien Scouting Aruba

Scouting Aruba ta e organisacion hubenil pa mucha y hobennan entre 5-18 aña. Tin cuatro categoria den cua ta parti e mucha y hobennan. Tin e categoria of grupo di ‘Bevers’ cu ta pa muchanan di 5 te cu 7 aña, tin e grupo di ‘Welpen’ cu ta pa muchanan di 8 pa 10 aña, despues ta haya e grupo di ‘Verkenners’ cu ta pa hobennan di 11 pa 14 aña y por ultimo e grupo di ‘Explorers’ cu ta pa hobennan di 15 pa 17 aña. Si e hobennan ta desea di sigui den scouting, e ora tin oportunidad cu e hoben por sigui cursonan di liderazgo den scouting y asina bira un lider scout.

Education Politica

Rudy Lampe (RED) : RED a boga pa mas entrada pa docente

Pesei mi a forma un comisión, y mi ta corda nos a reuni pa prome biaha na edificio bieu ainda di Directie Onderwijs prome cu a muda pa JFK. Ma presenta e plan di Pago según Prestacion, cu mi conoce dor cu mi a traha c une na universidadnan den exterior. Na Aruba docentenan cu yega na edad di 38 ana ta yega nan plafond pa loke ta salario. Pesei mi a propone pa tur docente riba edad di 38 ana ta risibi pago según prestacion riba nan salario. Pa cada prestación, manera sigui un vurso online of trabao voluntario pa e scol, e docente ta risibi tanto punto, y según e puntonan risibi ta corresponde un toelage riba e salario. Y cada tres ana, por ehempel, ta renoba montante di e toelage dependiendo di e prestación di e docente den e periodo anterior.

This will close in 0 seconds