Politica

Parlamentario Hendrik Tevreden (MEP):
A cuminsa kita ‘Red Tapes’ cu ta strobando comercio

Ta conoci cu na Aruba e asina yama ‘Red Tapes’ o burocracia cu ta tarda e proceso pa un persona yega na remarke pa por ehempel permiso di negoshi ta na ordo di dia. Esaki porfin a bin ta conoce un cambio. Ayera, diaranson 26 october 2022, den un encuentro publico na parlamento, e titular riba e cartera economico Minister Geoffrey Wever a duna di conoce e avancenan cu lo wordo logra den e ramo aki. Nos tur ta na altura cu tin hopi rapport cu a wordo skirbi ariba e estorbonan aki. Pa haya permiso ta tarda, bo tin di bay yen di caminda, y tin di entrega cantidad di papel. Esaki lo ta musica di pasado, segun parlamento a compronde den reunion cu a hiba cu minister Wever. Mirando cu tin un cantidad di peticionnan haci pa trece e cambionan aki, e a bira meta di minister Wever pa cumpli cu esaki.

Deporte Gobierno

MINISTER ENDY CROES TA FELICITA BARRACUDAS ARTISTIC SWIMMING ARUBA

ORANJESTAD: Diadomingo ultimo Minister Endy Croes a ricibi nos Seleccion di Landamento Sincronisa na nan yegada na Aruba despues di nan excelente presentacion na e competencia di Artistic Swimming CCCAN 2022 cu a tuma luga na Panama City. Barracudas Aruba a logra conkista medaya di brons, plata y oro durante e competencia tanto den solo, duo y ekipo. Como tambe Barracudas Aruba a logra conkista di dos luga overall den e campeonato di Artistic Swimming organisa pa Central American and Caribbean Amateur Swimming Confederation. Mientras nos ekipo di senior a logra clasifica pa e Weganan CAC San Salvador 2023. Tambe den solo Kyra Hoevertsz y e duo consisti di Kyra Hoevertsz y Mikayla Morales a logra nan clasficacion pa San Salvador. Famia y amigonan presente tabata super contento y orguyoso di e prestacion di tur nos atletanan.

Deporte Gobierno Noticia

MINISTER ENDY CROES A PRESENCIA DRAG RACING REMOTE CONTROL.

ORANJESTAD: Den fin di siman Minister Endy Croes a bishita “The War of Outlaws Shootout” cu a tuma luga den e parking lot di Compleho Deportivo Guillermo Prospero Trinidad na Dakota. Tabata reina un tremendo ambiente unda e fanaticada di autonan “remote control” por a presencia un tremendo competencia. Concluyendo Minister Endy Croes ta felicita organisado sr. Gino Kock, Barcadera Nights Foundation y tur esnan cu a participa como tambe e boluntarionan pa un evento exitoso.

Gobierno Noticia

Prome Minister Evelyn Wever – Croes: DURANTE REUNION BILATERAL CU MINISTER HOEKSTRA A TRATA  E TEMA DI REAPERTURA DI FRONTERA ENTRE ARUBA Y VENEZUELA

ORANJESTAD – Diaranson a tuma luga reunion bilateral entre Prome Minister Evelyn Wever – Croes  y Minister di relacionnan exterior di Hulanda Wopke Hoekstra, den cual a trata temanan di importanica pa Aruba. E reunion aki a tuma luga un dia despues di e reunion na Corsou entre e cuatro paisnan caminda cu a toca temanan en general di Reino cu e demas Premiernan di cada isla.

Education Gobierno

MINISTER ENDY CROES A REUNI CU DOCENTENAN DI JULIANA SCHOOL.

ORANJESTAD: Diamars atardi riba peticion di directora di Juliana School, sra. Paula Croes, Minister di Enseñansa hunto cu Ivan Croes di ekipo di maneho di DPS a haci un bishita na e scol. Tur e docentenan tabata presente durante e atardi ameno unda nan a trece nan inkietud. Durante e reunion un di e preocupacionnan grandi cu a bin pa dilanti ta e edificio di Juliana School cu di 2016 e scol a wordo re-aloca na un otro scol. E mandatario a indica cu tanto e edificio di Reina Beatrix y Juliana School door di decision di Minister anterior cu a duna un opcion na un Universidad di Canada pa bin cu un scol eynan.

Education Noticia Social

Aruba Bank ta haci donacion na Sint Michael School

Oranjestad- 25 di october 2022 – Aruba Bank a haci donacion di chromebooks y 2 Smart TV 65″ na Sint Michael School pa yudanan den nan proceso di digitalisacion. Sint Michael School ta un scol basico di 6 klas, situa den e bario di Brazil. Scol ta conta cu mas o menos 105 alumno. Klas 5 di e skol ya caba ta uzando chromebooks.

Noticia

Rocco Tjon: UN DAMA SUMAMENTE CAPACITA CU SA KICO TA E NIFICACION DI PERSEVERANCIA Y A DEMOSTRA ESAKI CU SU CURASHI DURANTE E TEMPONAN DI MAS DURO DI NOS PAIS

Partido Movimiento Electoral di Pueblo (MEP) unanimamente, den conseho di partido, a reeligi Sra. Evelyn Wever-Croes pa sigui lidera nos partido. Como su colega mi por a experencia su capacidad y talento unico pa lidera un pais durante temponan dificil. Pero banda di esey el a sa di lidera nos partido tambe pa nos a bira e partido di mas grandi un bes mas na Aruba.

Gobierno Social

Minister Xiomara Maduro a bishita e exposicion POP-ART di Elgin Flanegien

Recientemente Minister Maduro di Cultura a bishita e exposicion di e artista local Elgin Flanegien. E exposicion titula POP-ART, Past Opposite Present Art, ta su segundo exposicion solo y ta consisti di un coleccion di pintura cu Elgin a haci for di aña 2007 durante su estudio na Hulanda y algun pintura nobo traha na Aruba. Elgin ta disfruta di haci su obranan di arte y no solamente djies un pintura, ta un creatividad cu e ta trece padilanti y hopi bes inspira pa musica. Na aña 2006 Elgina a inicia su estudio di Arte na Hogeschool voor de Kunsten na Utrecht. Despues di su segundo aña Elgin a ricibi un Erasmus scholarship pa por sigui studia na Scotland’s University of Dundee, na unda Elgin a gradua y obtene su Bachelor of Fine Arts, specialisa den Arte y Medio Digital y ta encanta cu obranan manera Picasso, Damien Hirst y Basquiat. Elgin su pinturanan ta pone enfasis riba arte riba caya, manera graffiti, cultura local y arte contemporaneo. Minister Maduro a keda encanta y a disfruta di e exposicion presenta pa Elgin Flanegien.  Alabes e mandatario ta invita comunidad pa bishita e exposicion di Elgin cu ta den Cas di Cultura te cu dia 11 di november proximo.

Gobierno

MANDATARIO DI ENSEÑANSA A RICIBI PRESENTACION DI RESULTADONAN DI E INVESTIGACION DI PLUS ACCONTANTS.

ORANJESTAD: Diabierna ultimo Minister Endy Croes hunto cu su conseheronan a bishita Plus Accountants den cuadro di e “Doorlichting Rapport van het Arubaanse Onderwijsbestel”. Plus Accountants ta trahando riba un di recomendacionnan di rapport unda cu a haci un investigacion, inventarisa y ronda di consulta pa cu e parti financiero di DPS na tur e scolnan di DPS. Den e ultimo reunion Plus Accountants a duna un presentacion preliminar amplio di tur e resultadonan y analisis di e investigacion na Mandatario di Enseñansa. Como tambe a propone pa implementa un structura profesional y moderno pa DPS. Minister Endy Croes a indica cu e rapport ta wordo finalisa den e simannan nos dilanti pa asina duna un presentacion na Conseho di Minister como tambe na stakeholders y despues mester tuma decision di e rumbo y maneho nobo den un constelacion nobo pa DPS den su totalidad.