Category: Deporte

Deporte Gobierno

Minister Endy Croes: A RICIBI UN BUNITA PRESENTACION DI E PROYECTO DEPORTIVO DI SV BUBALI

ORANJESTAD: Recientemente Minister di Ensenansa y Deporte a reuni cu directiva di SV Bubali, cu a haci un bon presentacion amplio di nan proyecto Deportivo. Presente na e reunion aki sr Gisberto Figaroa, Presidente, sr Nicolas Quandus, secretario,sr Ryan Figaroa secundo secretario di SV Bubali. Nan a haci un presentacion di powerpoint riba nan proyecto cu pa hopi tempo tin den pipeline.Nan a ilustra cu riba nan propio forsa y sosten di Superfood a logra pone nan lusnan a agerga cu tabata un reto pa nan pero a logra e parti aki.Nan ambicion awor ta pa desaroya ful e compleho deportivo aki, cu cancha di football, cancha di tennis, cancha di beach tennis banda pabou, veld di baseball pero nan concentracion awor aki ta riba e veld di futbol cu nan mester bai lanta 35 meter lanta for di sub suela, pa motibo cu tin problematica di awa y cu e vision cu esaki lo ricibi su yerbe artificial.

Deporte

Stichting Tiger Taekwondo Academy ta saliendo awe pa Colombia Sogamoso Boyaca

Na unda e ta saliendo cu varios atleta pa bai participa na e Campeonato Panamericano Infantil de Taekwondo y tambe Colombia Open 2022 G2 atleta nan cu ta bai participa Maelynn Frad, Alesha Macea, Sue-Jean Kelly, Khaleesy Ridderstaat, Raimara Blanco, Kayleah Kelkboom, Payton Sibilo, Janoah Ridderstaat, Ismaël Ridderstap, Santiago Giraldo, Sofia Torres, Lucas Croes. Hunto cu e coach National di ARTBO Teofilo Rodriguez y coach di Stichting Tiger Taekwondo Academy Jason Ridderstaat. Tambe a sali reciente Moises Dumfries pa WT International Refree Seminar & Refresher Course. Nos kier a desea tur e atletanan hopi exito den nan combate

Deporte Gobierno

REPRESENTANTENAN DI PROLINE BASEBALL A REUNI CU MINISTER ENDY CROES

Oranjestad: Recientemente representantenan di Proline Baseball, sr Kevin James y sr Eric Mohamed, a reuni cu Minister Endy Croes, aserca di un proyecto pa cu deporte di baseball. Un Campeonato cu na unda  4 team lo participa y lo hunga alredor di 40 wega pa categoria di 18 plus. E cuatro team nan participando na campeonato aki di Proline Baseball ta Panters,Tigers,Lions y Jaguars.

Deporte Gobierno

MINISTER ENDY CROES A RICIBI BISHITA DEPORTIVO DI SR. MOHAMMED ALZENKAWI DI KUWEIT.

ORANJESTAD: Diaranson ultimo organisadonan di e Monster Truck Show, Brazilian Flash; sr. Tito Tromp, sr. Jonathan Tromp y sr.Alvin Dirksz tabata di bishita cerca Minister di Deporte. Na e ocasion aki pa introduci un amigo di nan di Kuweit esta sr. Mohammed Alzenkawi kende ta manager di Basil Al-Salem Al-Sabah Motors Racing Club (BMRC) na Kuweit. Miembro di Brazilian Flash, sr. Alvin Dirksz ta trahando den refineria na Kuweit y asina a cera amistad cu sr. Alzenkawi kende tin un pasion pa motorsport tanto drifting alabes e mes ta driver di pro bike.  Riba un invitacion special di Brazilian Flash pa prome biaha sr. Mohammed Alzenkawi a bishita Aruba pa e Monster Truck Event. Sr. Mohammed a keda masha impresiona cu un isla asina bunita na e banda di mundo aki.

Deporte Gobierno

MINISTER ENDY CROES A REUNI CU DIRECTIVA DI CENTRO DI BARIO Y DEPORTE DAKOTA.

ORANJESTAD: Recientemente Minister Endy Croes a ricibi bishita di Presidente di Centro di Bario y Deporte Dakota, sr. Jair Oduber y sra. Anky van der Linden -Vrolijk, Trahado Social. Nan a acerca e mandatario di Deporte pa informe di e ultimo desaroyonan di Centro di Bario y Deporte Dakota. Como tambe pa presenta e plannan di un bunita proyecto cu nan ta trahando ariba dje, esta un cancha di basketball/ multi funcional den e centro di bario pa renoba, estilo di e cancha na Xavier University School of Medicine uzando e mes un materialnan

Deporte Gobierno Social

MINISTER ENDY CROES A REUNI CU ARUBA DOMINO BOND CU TA PREPARANDO PA REPRESENTA ARUBA DEN E CAMPEONATO MUNDIAL DI DOMINO.

ORANJESTAD: Recientemente Minister Endy Croes a reuni cu presidente di Aruba Domino Bond, sra. Zulaika Boekhoudt y miembronan di directiva, sr. Anthony Trimon y sr. Andy Farro. Durante e reunion fructifero directiva di Aruba Domino Bond a haci peticion na e mandatario di Deporte pa sostene e atletanan cu ta participando den e campeonato mundial. E peticion di e directiva ta encera pa duna un sosten door di paga e placa di e competencia di cada hungado, pa por participa den e toreno aki. E campeonato mundial di domino ta tuma luga fin di luna di october na Punta Cana, Republica Dominicana. Un total di 600 participante di diferente parti di mundo cu ta competi na e torneo internacional aki. Minister Endy Croes a indica di lo cumpli cu Aruba Domino Bond pa nan por participa. Concluyendo e mandatario di Deporte ta desea e ekipo di Aruba hopi exito y cu e deseo, disciplina, dedicacion y determinacion boso ta logra.

Deporte Gobierno

MINISTER ENDY CROES A LANSA E PROME BALA PA ASINA DUNA INICIO NA E DI DOS EDICION DI BASEBALL IN PARADISE.

ORANJESTAD: Dialuna anochi Minister Endy Croes tabata presente na Joe Laveist Ballpark pa e gran apertura di e dos edicion di Baseball in Paradise. Un Joe Laveist yen di ambiente di publico presente, energia positivo y entusiasmo. Mas di 3000 hende y 47 ekipo di e.o. Bonaire, Curaçao, Alemania, Santo Domingo y Aruba ta bataya cu otro di 3 di october pa 8 di october pa logra e titulo maximo.

Deporte Gobierno

MINISTER ENDY CROES A BISHITA E TRYOUTS DI WATER POLO ORGANISA PA GIANTS AQUATICS ARUBA Y ARTISTIC SWIMMING DI BARRACUDAS.

ORANJESTAD: Diasabra ultimo den oranan di atardi Minister Endy Croes a bishita Piscina Olimpico Roly Bislik na Savaneta mira e “tryouts” di un deporte nobo na Aruba esta water polo organisa pa Giants Aquatics Aruba. Como tambe pa presencia e “tryouts” di Artistic Swimming di Barracudas. Diabierna y diasabra pueblo di Aruba tabatin e oportunidad por a bishita e actividad pa cera conoci cu e disciplina nobo alabes haya informacion, demostracion di Artistic Swimming.