Category: Deporte

Deporte Noticia

MEET & GREET AVB :

Ayera anochi den Allegra Bistro situa den Courtyard by Marriott Aruba Resort a tuma luga e prome “Meet & Greet” di Arubaanse Voetbal Bond cu e Miembronan di Prensa. E tawata un anochi placentero unda cu President di AVB Sr. Randolf Lacle a habri e anochi dunando un palabra di bon bini y gradici e Miembronan di Prensa pa nan presencia. Sr. Lacle a introduci e 6 Miembronan di Bestuur cu ta Sr. Frans Dijkhoff, Sra. Rosemin Croes, Sra. Geetanjali Khemlani, Sra. Mildred Wever, Sr. Howard Hart y Sr. Albert Lake Jr. Sr. Lacle a informa cu aparte di bestuur, AVB tin su staf cu haci trabou nan diario y di cual desde januari di e aña aki Sr. Hubert Solagnier a bira e Secretario General di AVB.

Deporte Gobierno

MINISTER ENDY CROES :

ORANJESTAD:  Den conferencia di prensa di diabierna ultimo Sjoerd de Vries a anuncia e gran apertura Aruba Open Beach Tennis Championships 2022. Presente na e ocasion tabata Minister di Deporte, Aruba Tourism Authority, Andrea Stutto di Italia un di e miho hungadonan di mundo y internacional ITF referee Massimo Morelli. Aruba Open Beach Tennis ta e evento deportivo mas grandi den Caribe. Bushiri Beach un biaha mas ta scenario di e torneo mas popular di mundo cu e aña aki ta conta cu participacion di 1200 atleta di 40 diferente pais cu ta batayando 1 siman largo pa gana premionan balora na e suma total di $60,000.00. Weganan ta cuminsa tur dia pa 9’or di mainta. Minister Endy Croes ta felicita sr. Vries organisado di Aruba Beach Tennis Open y tur cu di un of otro manera a contribui pa haci e torneo aki un realidad despues di 2 aña. Alabes mandatario di Deporte ta invita henter pueblo di Aruba pa bishita e campeonato di tennis mas grandi den Caribe. Exito na tur atleta cu e deseo, disciplina, dedicacion y determinacion boso ta logra.

Deporte Gobierno

MINISTER ENDY CROES :  

ORANJESTAD: Dialuna atardi Minister Endy Croes tabata presente na aeropuerto internacional Reina Beatrix pa ricibi nos tri- atletanan femenino cu a regresa despues di a participa CARIFTA Triathlon & Aquathlon Championship 2022 cu a tuma luga na Bermuda. E hoben atletanan: Giovanna Wernet, Emma Gobert y Rebecca Jansen a conkista varios medaya durante e competencia. Den totalidad Aruba a logra un total di 10 medaya durante e dos dianan. Como pais Aruba a sali na di 3 luga di e competencia, esaki ta door di puntonan cu e ekipo acumula. Diamars den ora di atardi tri-atletanan masculino: Richard Sotelo, Christiaan Jansen y Jeon Fernandes ta regresa Aruba. Concluyendo Minister Endy Croes ta felicita y gradici nos tri-atletanan pa nan excelente prestacion y mayornan pa sostene nan yiu den nan deporte. Pabien cu excelente prestacion y logro. Nos ta orguyoso di boso!

Deporte Gobierno

Minister Endy Croes:

ORANJESTAD: Diabierna atardi riba cancha di Denzel Dumfries di Cruyff Foundation na Jaburibari a tuma final di futbol femenino pa scolnan avansa den deporte escolar. E cuater scolnan Colegio Arubano, Colegio Nigel Matthew Aruba, EPB San Nicolas y La Salle College Aruba a bataya pa mira ta conkista e titulo maximo. Minister Endy Croes tabata presente pa duna sosten y apoyo na e futbolistanan den e final den Deporte Escolar 2022.

Deporte Gobierno

MINISTER ENDY CROES:

ORANJESTAD: Diadomingo mainta na Compleho Deportivo Frans Figaroa a tuma luga campeonato nacional di peso. Mandatario di Deporte a hiba palabra durante ceremonia di apertura di Aruba Nationals Championship 2022 organisa pa Amateur Weightlifting Association. Un total di 26 atleta local femenino y masculino a participa den categoria; “Youth Junior”, “Senior” y “Masters”. Ganado den categoria masculino senior: Laertes Araque cu 257 kg. Ganado absoluto den categoria femenino ta Nathaly Geerman cu a hisa total 195kg. Den categoria “youth” ganado absoluto hende muhe Caythyline Lanoy cu 123 kg. Den categoria masters ganado absoluto ta Rene Rudel cu a hisa 228kg. Minister Endy Croes ta felicita Amateur Weightlifting Association y tur cu a contribui pa haci e competencia uno exitoso! Masha pabien na e ganadonan. 

Deporte Gobierno

MINISTER ENDY CROES

ORANJESTAD: Diahuebs anochi den un esfera ameno a tuma luga introduccion di un proyecto nobo pa deporte di baseball “Proline Winter Baseball League”. Durante e “Drafting Night” e cuater ekiponan, manager y “coaching staff” a keda conoci. Ekiponan di Panthers, Tigers, Lions y Jaguars lo midi forsa contra di otro pa seis siman largo pa conkista e titulo di campeon, di e prome edicion di Proline Winter League. E campeonato di baseball lo bira uno di aproximadamente 40 wega di hungadonan den e edad di 18 aña pariba hungando den baseball na e.o. Aruba, Curaçao, Italia, Hulanda, Czechoslovakia y Merca.

Deporte Gobierno

MINISTER ENDY CROES A REUNI CU REPRESENTANTENAN DI ARUBA LITTLE LEAGUE

ORANJESTAD: Diahuebs atardi den un esfera ameno Minister Endy Croes a reuni cu sr. Rhudy Donata y sra. Raquel Wester, representantenan di Aruba Little League. Un reunion informativo unda a dialoga riba e.o. structura di little league, entrenandonan y con pa yuda little league pa ta mas exitoso. Tambe a trata e peticion di ayudo pa seleccionnan cu lo sali otro aña pa representa Aruba den exterior. Mandatario di Deporte a informa cu tin container cu materialnan di deporte cu a yega Aruba y den coordinacion cu nan miembronan por haya material. Concluyendo e Minister Endy Croes a indica cu tabata un bon reunion unda Aruba Little League a trece nan puntonan dilanti y den un bon comunicacion a haci diferente palabracion pa e aña binidero. Nos ta sigui traha pa deporte y nos deportistanan cu ta central den vision di Gabinete Wever – Croes II.

Deporte Social

Aruba Beach Tennis Championship 2022 tei bek

Despues di 2 aña di ausencia, debi na e pandemia, e organisacion a bolbe tuma e encargo pa organisa e torneo aki. “No tabata fasil. Cos a cuminsa move hopi slow, hungadornan a tarda pa confirma. Tur esaki debi na e situacion financiero mundialmente. Pero asina mes nos no a baha cabes, nos a keda cu e entusiasmo halto, cu e speransa cu mas e dia aseca, e cantidad di hungador lo aumenta. Y esaki ta exactamente loke a pasa”, asina Sjoerd de Vries a comenta durante un entrevista. E torneo lo bolbe tuma lugar na Bushiri Beach, cu espacio amplio pa parkeer. Mas di 1200 participante, di 40 diferente pais, lo ta batayando pa gana premionan na un balor total di $60,000.00 E programa ta como lo siguiente:

Deporte

Isabela Bovagard preparando pa su reto internacional.

Monica Pimentel y Stuart Smit ta e dos coachnan cu tin amplio experencia den Taekwondo. Nan conoce e materia completo y nan dos ta encarga cu Training Central di Aruba Taekwondo Bond “ARTBO”.Monica Pimentel y Stuart Smit ta forma e atletanan di Aruba pa representa Aruba internacional na base di e Training Central y experencia.

Deporte

Whitney Selinah Nedd:

Na prome lugar mi tawata kier a gradicie tur hende cu a hasi in donacion ariba mi Gofundme account. Boso ta e razon cu mi por a bin competi na Istanbul y pesey mi ta hopi agradecido di fondo di mi curazo.Esaki tawata e training mas pisa y mas cortico cu mi a jega di hasi. Bisando esey e competencia a bay basta bon toch y mi a logra pa mantene tur mi PRS pa mi rango. Mi no twt expect nada door di e simple motibo cu mi twt sinti mi undertrained. Manera cu mi ta stima hisa peso mi mester a prioriza entre school y mi mes ( ainda mi tin problema chikito pa  handle esaki). E competencia aki tawata un gran truinfo  mental pa mi.  Nunca mi no a sinti mi asina confortable compitiendo mientras mi mester a deal cu mas cosnan y mi goal pa e anja aki twt pa sinti mi mas confidente den mi mes ora mi ta subi e plataforma pa hisa peso