Nos t'ey pa Informa bo
Riba Dia di Internacional di Paz a tuma luga un ceremonia special pa anuncia y brinda certificado na e 4 scolnan di Aruba cu ta wordo reconoci oficialmente como miembro di e red di scolnan asocia cu UNESCO. Ta trata aki di Colegio Hilario Angela, Princes Amalia School, Internacional School y EduCampus.
ORANJESTAD- Durante e conferencia cu ta tumando lugar na New York Prome Minister Wever – Croes a atende un conferencia di Lidernan Femenino di Nacionnan Uni “Platform for Women Leaders. Den cuadro di esaki Prome Minister a splica con como hende muhe a lidera Aruba durante pandemia hunto cu varios otro hende muhe profesional, y e importancia pa percura cu ta sigui prepara otro sernan femenino pa posicionnan di liderazgo. Na e ocasion a intercambia pensamentonan y preocupacionnan cu varios lider femeninon di diferente pais.
Durante un conferencia di prensa di Gobierno di Aruba Minister Xiomara a elabora riba pago di overtime. Siman pasa Gobierno di Aruba pa medio di Prome Minister di Aruba a anuncia e maneho nobo di overtime pa e periodo di 15 di september te cu fin di aña, esaki ta necesario ya cu gobierno a bin ta baha gastonan di gobernacion.
Oranjestad: Recientemente Minister Endy Croes a reuni cu sr. Kenneth Wever, di directiva di S. V. Kudawecha. Manera cu nos por corda veld di Kudawecha a cuminsa cu renobacion den aña 2021 pero a keda falta material pa asina finalisa e trabou. Mandatario di Deporte a informa cu mester a bestel extra material tanto yerba artificial como e netnan pa e backstop. Den un reunion recien cu sr. Wever a comparti cu e grato noticia cu e container cu e materialnan a cu tabata falta yega Aruba den luna di september. E mandatario a informa cu a tuma contacto cu e contratista y a traha un plan cu na final di luna di september cuminsamento di october ta continua cu e proyecto tambe lo verf y haci rond di e veld limpi. Ta premira cu pa prome siman di luna di november e proyecto aki ta wordo finalisa.
ORANJESTAD: Recientemente Minister Endy Croes a reuni cu directiva di Barracudas Artistic Swimming Aruba, comision di mayor y presidente di Aruba Aquatic Federacion (AAF). E reunion tabata pa cera conoci cu directiva di Barracudas Aruba, AFF como tame di comision di mayor. Meta di e reunion tabata duna informacion di e depote, proyecto y plannan cu e organisacion tin pa futuro. Barracudas Aruba ta activo desde aña 1970 y ta conta cu 40 miembro.
Na Imsan desde anja 2020, 500 patient a haya bestraling aki na Aruba mes.
Nos a kere den ImSan, nos a inverti den ImSan y awe nos ta mira e resultadonan
cu nos mes por na Aruba.
Diadomingo awo 25 september lo bai tin un feria informativo pa famianan por bin hunto cu nan yiunan pa asina ricibi informacion di parti di diferente stakeholders den e cadena social, den cuadro di salud mental, adiccion y mucho mas, e dia aki lo tin diferente actividad pa nos muchanan por gosa un rato ameno.
Pa locual ta e prome aña di Gabinete Wever-Croes II, Minister Xiomara Maduro ta splica den lineanan grandi e trabaonan realiza bao di e maneho di ‘Cultura bo tin cu bib’e.’ Cultura tin un papel clave den e formacion di e hende, e desaroyo duradero di nos Pais y ta instrumental pa Aruba su economia, bida social, medio ambiente y bienestar general. Pa e diversificacion di Aruba su economia, cultura tin un rol escencial den e sector prometedor di e Industria Creativo. Den e prome aña di gobernacion, Gobierno a dedica na e celebracionnan cultural importante di nos pais, caminda a reconoce nos baluartenan cultural y a traha pa expone nos herencia cultural.
Den lineanan grandi Minister Xiomara Maduro ta splica riba e trabaonan cu a wordo realiza den e prome aña di gobernacion Gabinete Wever-Croes II. COVID19 a afecta nos finansa publico grandemente y den e prome aña di gobernacion nos a dedica pa reduci e deficit cu e pandemia aki a trece cune pa Aruba. E deficit di 1028 miyon florin ta wordo reduci grandemente den apenas 3 aña di tempo. Tur esfuerso ta dirigi pa Aruba por conoce atrobe un surplus.
ORANJESTAD: Dialuna atardi den un encuentro ameno Minister Endy Croes a reuni cu miembronan di directiva di SV Atletico Santa Fe. Presente na e reunion tabata presidente di SV Atletico Santa Fe, sra. Michella Steenvoorde- Laclé, vice – presidente, sr. Theodore Johnson y directora di sponsorship, sra. Desiree Johnson. SV Atletico Santa Fe ta activo desde aña 1962 y ta conta cu alreadedor di 100 miembro.
