Nos t'ey pa Informa bo
Diaranson mainta, un dia despues di apertura di aña parlamentario nobo, mi a pasa cerca Presidente di Parlamento pa por haya copia di e manifiesto entrega pa un grupo di 7 señora cu a bin pa protesta na Parlamento. E grupo aki tabata lidera pa sra. Hijmering cu ta conoci como un sostenedor di AVP.
Augustus 2022 a conoce otro luna record den turismo compara cu 2019. Ta compara resultadonan di 2022 cu 2019, pasobra esaki anteriormente tabata e aña record pa nos turismo. Compara cu 2019 nos a recupera 105% di nos turismo, cu ta un logro enorme, considerando cu esaki ta pasando pa 5 luna consecutivo caba! Esaki ta significa cu nos pais y nos empresanan local ta cosechando mas y nos economia por recupera mas liher pasobra tin mas entrada cu ta drenta e caha di gobierno. Esaki sigur lo sigui yuda baha e deficit y por habri porta pa inversionnan den futuro, den nos pais.
Diamars mainta a tuma luga apertura oficial di aña Parlamentario 2022-2023. Pami sigur un honor di por a cumpli un aña como un representante di pueblo den Parlamento. Pami e aña aki tabata un aña di siña e trabou di un Parlamentario, proceduranan, conoce mi coleganan na ambos banda di sala, e mandatario y nan ministerionan.
Diamars mainta, mientas cu e apertura di Aña Parlamentario 2022-2023 tawata tumandao luga den Parlamento, un grupo di entre 10 pa 15 persona cu vinculo na Mike Eman y Partido AVP, a presenta dilanti di Parlamento pa manifesta. Partido MEP ta condena cu pa prome biaha Mike a orkestra un manifestacion durante e apertura di aña Parlamentario.
Diamars mainta, 13 di September, tawata apertura di Aña Parlamentario 2022-2023. Partido MEP ta felicita Parlamento nobo cu e bunita apertura di esaki. Señor Edgard Vrolijk un biaha mas a keda eligi como Presidente di Parlamento. Partido MEP ta gradici’e pa e trabou grandi cu el a haci aña 2021- 2022 y pa e manera recto cu el a dirigi Parlamento. Ta bisto cu no solamente cu su conocemento sino tambe cu su experencia e ta dedica na guia Parlamento y hiba Parlamento na un nivel mas halto di respet
Ya ta 46 luna cu mi persona a hasci entrega di un denuncia amplio y cu prueba contra Otmar Oduber den e compra di e incinerator chikito. Un incinerator cu NO ta traha y no ta cumpli den ningun forma cu e bestek. Ta conoci cu den henter e compra aki, Otmar Oduber a peca grandemente contra nos Ley di Comptabilidad. Y nos Parlamento,cu Parlamentarionan cu a bin y bay, desde 2018 a keda boca “callao” y mas pio ainda a y ta sostene y aproba e corupcion aki!
ORANJESTAD – Parlamento di Aruba su ‘zittingsjaar’ 2021/2022 a termina y mirando e data den cuadro cu esaki, tambe analisando entre otro e cantidad di preguntanan cu a wordo haci durante e periodo parlamentario aki, ta resalta cu Parlamentario di fraccion Accion21, sr. Miguel Mansur, ta e parlamentario cu mas pregunta a haci, estableciendo un record nobo pa Aruba, y Minister di Finansas sra. Xiomara Maduro ta e mandatario cu menos pregunta a contesta durante e periodo aki.
Full e caso di Avestruz, caminda Benny Sievinger ta e sospechoso prinicipal, sigur a y ta sigui pone un nubia scur riba Parlamento. No obstante e nubia scur aki aña parlamentario nobo ta start bon pa Parlamento y pa Aruba.
Durante e tratamento di e caso penal mas bergonsoso cu nos pais a conoce, caso Avestruz na unda cu Parlamentario Benny Sevinger ta e principal sospecho, a bin dilanti cierto berdadnan cu nos mester para keto un rato pa comprende con e makinaira corupto di partido AVP a traha durante 8 aña di gobernacion cu a hiba nos pais casi den bancarota.
E caso penal Avestruz contra e sospechoso acusado di corupcion, Benny Sevinger a cuminsa diaranson 7 di September y lo conoce un veredicto na januari 2023. Diaranson a bin dilanti huez e acusadonan Harms, Sussebeek y Sevinger. Acusacionnan ta soborno, labamento di placa y malversion. E fundacion di Benny Sevinger, e asina conoci Sitchting Fundacion Curazon Berde, a ricibi un cantidad grandi di placa for di sponsornan hopi yega na Sevinger.
