Nos t'ey pa Informa bo
ORANJESTAD – Segun Managing Director di Utilies Aruba NV sr. Anthony Rojer, awor aki ta den un lucha pa combati emision, purba salba e planeta y biba den un medio ambiente mas limpi. Den cuadro di esaki el a comparti algun cifra di e situacion di emision na Aruba y alabes a duna un splicacion tocante e vision pa e proximo parke di molina di biento cu lo wordo ubica na Rincon.
ORANJESTAD (29 augustus 2022) – Como parti di e programa di e conferencia LIDERA, organisa pa Aruba T rade & Industry Association (ATIA), rond di 450 atleta hoben di Aruba a atende diabierna ultimo un sesion di motivacion duna pa e orador internacional Trent Shelton. E evento a conta tambe cu figuranan destaca di deporte local, cu a comparti na experiencia y lesnan den ballroom di Marriott Aruba Resort & Stellaris Casino. Pa ATIA, esaki tabata un oportunidad excelente pa aporta na un desaroyo integral di e nos deportistanan, y hunto cu ne, di e futuro lidernan di nos comunidad.
“Hilario, abo semper ta busca e otro banda di medaya, semper bo ta busca e berdad y no ta publica un banda so”
Desde dia 7 di oktober 2020 cu mi reuni cu 2 representante di e grupo di Instructornan di Landamento mi a bin ta pidi atencion di Gobierno pa e grupo meta aki. Nan a acerca mi persona e tempo ey pa plantia nan preocupacion y alabes duna splicacion di e situacion cu nan tabata aden. Tabata trata di un grupo di alrededor di 20 trahador cu desde 2 di september 2020 tabata bibando den insiguridad y a acerca mi como Parlamentario pa yudanan haya claridad y transparencia for di Gobierno.
Desde 1 di September 2022 Horacio Oduber Hospital (HOH) ta start bek cu su encuesta ya conoci “Duna bo opinion” pero den un bachi moderno, esta completamente digital. Antes e encuesta aki tabata uno manual y desde awe tur pashent cu ta interna den HOH ta haya e oportunidad pa duna nan opinion di forma digital via un tablet na final di nan estadia. Un paso den direccion moderno, eficiente, rapido y anonimo
September 1 Aruba ta celebra dia di prensa. Ta un dia sigur pa nos reflexiona riba e rol importante y esencial cu prensa tin den democracia di nos pais. Mi ta cuminsa na felicita y gradici tur esnan cu ta traha den prensa.
Oranjestad: Un otro persona cu a ricibi e reconocemento di Baluarte Deportivo ta Sr. Ricardo ‘Cado’ Kock cu sigur no ta desconoci den e mundo di drag race na Aruba. For di aña 1982 sr. Kock ta ‘driver’ di Big Joe Racing Team. E nomber di ‘Big Joe’ cu su ‘driver’ Ricardo ‘Cado’ Kock ta na honor di sr. Jose Maria ‘Joe’ Kock (Q.E.P.D.) cu ta hopi conoci den e mundo di drag na Aruba y Caribe.
Diamars anochi mi a keda completamente babuca despues cu mi a wak un video di Marisol Lopez Tromp cu ta circulando riba Facebook. Den e video aki Marisol ta papia di e condicion di Bubali Plas y RWZI. E ta menciona con preocupa e ta pa e coralnan, beachnan, turista, localnan y lo demas. E ta menciona cu mester di upgrade, mantene y mehora RWZI mientras cu tin un musica di suspenso ta toca den background. Hopi bunita e video ta, pero e contenido no ta refleha ni pa un seconde loke fraccion di MAS ta para pe. Y ta netamente esaki ta e motibo di e articulo aki, pasobra como representantenan di pueblo nos mester ta critico pero sigur no gañado ni manipulado. Specialmente ora cu fraccion di MAS su accionan di pasado recien ta grita totalmente opuesto di e contenido di practicamente henter e video publica.
MACUARIMA, ARUBA Dialuna pasa a tene un reunion informativo y contacto cu e barionnan di Sanicolas entre otro Sero Colorado, De Vuyst, Juan Morto, Lago Heights y Esso Heights, Diamantbergweg, Kustbatterij y vecindario caminda Polisnan di Bario pa pariba di brug a intercambia ideanan, preocupacion y sugerencianan cu habitantenan di e barionan aki.
ORANJESTAD – Na aña 2008 Gobierno di Aruba a dal e prome paso den direccion di transicion pa energia mas limpi. E tempo ey Aruba a construi su prome Parke di Molina na Vader Piet. Na aña 2009 el a drenta den funcion produciendo 30 Megawatt (MW) di coriente cual ta bon pa 16 % di e total di capacidad di coriente cu Aruba tin mester. Pa e siguiente añanan Utilities Aruba hunto cu WEB y ELMAR lo tin e tarea pa ehecuta e plan nacional di energia di Gobierno pa logra cu nos mes ta produci 45 pa 50 % di nos energia; cual lo ta limpi, renobabel y pagabel.
