Noticia

DURANTE SEPTEMBER WEB LO INTEGRA PLANTA RECIP IV DEN IGMS.

Na augustus 2021 a implementa IGMS, ‘Intelligent Generation Management System’ (IGMS) pa regula suministro di coriente automaticamente. E tempo ey a integra tur WEB su unidadnan di produccion di coriente y energia den e sistema IGMS. Awor cu planta di motornan RECIP IV ta den operacion, falta pa integra esaki tambe den IGMS.

Gobierno

Prome Minister Evelyn Wever-Croes: Discurso di Prome Minister na e Congreso Nacional social laboral: TRAHANDO HUNTO NOS LO LOGRA CREA UN FUTURO CU UN SECTOR LABORAL VIBRANTE Y SISTEMA DI SIGURIDAD SOCIAL SOLIDO

Diaranson 7 di september mainta, Prome Minister Evelyn Wever-Croes a duna inicio na e evento importante cu ta e Congreso Nacional social laboral. E congreso lo ta di tres dia di dialogo durante cua diferente organisacion, instituto y/ of persona ta bin hunto pa restructura y diseña e futuro di nos pais. Cada un talves cu diferente interes y punto di bista. Un aspecto cu ta esencial pa asina yega na un vision colectivo pa locual ta e reformanan necesario pa reforsa nos pais. Prome Minister den su discurso, a enfatisa cu trahando hunto nos lo logra crea un futuro cu un sector laboral vibrante y sistema di siguridad social solido

Gobierno

MINISTER ENDY CROES TA FELICITA E DOCENTENAN CU A CUMPLI 20 AÑA DEN ENSEÑANSA.

ORANJESTAD: Recientemente un grupo di docente a bin cu e iniciativa pa haci un reecuentro pa celebra nan 20 aña den enseñansa. E anochi di celebracion a tuma luga na Marina Pirata Restauant. E grupo di ex studiantenan di IPA ta basta uni y semper a keda den contacto cu otro y/of hasta ta(bata) colega di trabou den varios ‘setting’ di enseñansa. E grupo aki ta e prome grupo grandi cu a cuminsa IPA na aña 1998 cu 3 klas di mas o menos 20 alumno. E tabata un grupo hopi varia di hoben y persona di mas edad cu a gradua na aña 2002. Minister Endy Croes a felicita e docentenan cu a celebra 20 aña cu nan a gradua y ta dedica na enseñansa.

Gobierno

Minister di Cultura Xiomara Maduro presente na Exposicion “E lens di mi wowonan” organisa pa Leo Vrolijk

apertura di e Exposion “E lens di mi wowonan” organisa pa e conocido baluarte den prensa arubano Sr. Anselmo Leo Vrolijk y su team. E exposicion ta consisti di potretnan capta door di e lens di wowonan di esnan cu ta traha den prensa, caminda ta mustra e miho potret di prensa den e aña anterior, un total di 15 persona ta participa cu nan potretnan den e exposicion e aña aki.

Politica

Partido MEP: TIN PREOCUPACION PA E DESAROYONAN CU TA ATACHA INTEGRIDAD DI PARLAMENTO

Parlamento ta e organo di mas halto di un pais. Por lo tanto ta importante pa tin un Parlamento integro pa haci su trabou di controla un Gobierno debidamente. Sinembargo, como ciudadanonan di Aruba, ta un berguensa pa nos pais, cu den Parlamento tin sospechosonan di corupcion cu ta atacha integridad di Parlamento. Manera conoci, na inicio di Aña Parlamentario, señor Benny Sevinger a huramenta como Parlamentario, algo cu a trece comosion den comunidad. Y awo, aparentemente tin un di dos sospechoso den Parlamento, señora Marisol Lopez-Tromp kende recientemente a pasa 7 ora na Landsrecherche cu su abogado bebiendo un kop’i koffie. Na su salida, e Parlamentario a wordo acerca pa medionan di comunicacion na unda ni na su medio di comunicacion preferi e por a bisa cu e no ta sospechoso pa loke cu tur hende por saca e conclusion.