Gobierno

Minister di Cultura di bishita na e atalier di e artista Arubiano Gilbert Senchi na Colombia:

Durante Minister Maduro di Cultura su bishita na e atelier di e artista Arubiano Gilbert Senchi na Colombia, e mandatario a haya e oportunidad pa mira e busto di e defunto Polis Tino Ruiz cu ta den su fase final. Na aña 2017 e hoben Polis Ruiz lamentablemente a perde su bida na momento di brinda un asistencia policial. Su fayecimento a conmove comunidad y un mocion a keda presenta den Parlamento pa Gobierno laga traha un busto pa asina e famia, colega y comunidad en general por keda recorda e hoben Polis Tino Ruiz y tur otro persona cu a perde nan bida sirbiendo nos Pais.

Gobierno

Prome Minister Evelyn Wever-Croes: MANEHO NOBO DI OVERTIME TA NA VIGOR DESDE 15 DI SEPTEMBER 2022 TE CU FIN DI AÑA

Prome Minister Evelyn Wever-Croes a indica cu desde 15 di September tin un maneho di overtime den gobierno pa motibo cu e placa cu tin disponibel pa overtime ta bay caba si no bin cu e medidanan aki. E medidanan ta pa evita cu no tin placa pa paga overtime. “E temponan aki ta diferente cu otro temponan, ya cu otro temponan bo por a surpasa bo presupuesto y bo ta haya bo pago toch. Pero awor cu nos mester pone orden den e situacion financiero di nos pais especialmente despues di Covid, nos no por dijes surpasa e presupuesto”.

Gobierno

Minister Dangui Oduber: ARAJET TA INAUGURA VUELO DIRECTO FOR DI SANTO DOMINGO

ORANJESTAD – Diabierna atardi Minister di Turismo y Salud Publico sr. Dangui Oduber tabata presente na airport pa e vuelo inaugural di Arajet cu a yega directamente for di Santo Domingo. Aki e mandatario a duna un discurso chikito caminda e la duna Arajet un caluroso bon bini na pais Aruba. Arajet sigur lo aporta grandemente na Aruba su turismo y duna mas accesibilidad na e ruta entre Aruba y Republica Dominicana na un prijs hopi economico.

Gobierno infrastructura

Prome Minister Evelyn Wever-Croes: PRESUPUESTO DI DOW A WORDO APROBRA

Diahuebs 15 di September a tuma luga e reunion publico den Parlamento pa trata e presupuesto di DOW. 12 Parlamentario a vota pa sostene e presupuesto di DOW di e aña aki. Prome Minister Evelyn Wever-Croes a indica cu e presupuesto a yega Parlamento basta laat a consecuencia di e trabounan cu a bin cerca debi na e pandemia. Entre otro tambe tawatin diferente ley cu mester a wordo traha cu a trece tardansa na esaki.

Politica

Parlamentario Darlaine Guedez-Erasmus (MEP): Parlamento di Aruba ta conta cu un siman hopi importante

Den e siman aki cuminsando di dialuna 12 di september 2022 tabatin votacion pa presidente y vice-presidente di Parlamento pa aña 2022- 2023. Como presidente di Parlamento a reeligi sr. Edgard Vrolijk y vice-presidente Sr. Raymond Kamperveen. Diamars 13 di september 2022 tabata aña parlamentario 2022 – 2023. Tur aña riba e di dos diamars di september e aña parlamentario nobo ta tuma luga. Esaki ta e di 37 Aña Parlamentario di Pais Aruba y e ta un momento hopi solemne pa e organo di mas importante di Pais Aruba.

Politica

Parlamentario Marco Berlis (MEP): Vision cu ta haci pueblo esclavo di megadebe te cu 2044 no ta vision!

Den e reunion publico di Diahuebs tratando e presupuesto di DOW, Mike Eman manera semper no tabata tin ningun pregunta pa gobierno, no a dirigi su disertacion riba e tema trata y ta keda mustra cu e no tin ningun otro vision cu bolbe endeuda nos pais, si e haya e chens di goberna un biaha mas. Mike Eman den su disertacion tabata gabando cuanto asfalt, klinker, brug y MFAnan el a traha, y keda sin traha na San Nicolaas paso placa, pero cu a hinca pais Aruba inmediatamente den pobresa. Un debe cu pueblo lo mester paga cu orguyo te cu 2044 y cu 7.5 gobierno lo mester trata na goberna cu ne.

Gobierno

MINISTER ENDY CROES TA FELICTA E ATLETANAN Y ORGANISADO DI BEST VS BEST BMX RACE 2022.

ORANJESTAD: Recientemente Minister Endy Croes a pasa Parke Yaburibari pa duna sosten y apoyo na atletnan hoben cu a participa den competencia Best vs the Best BMX Race 2022.  Mas di 30 atleta a participa den e diferente caterogianan: Novice, Expert, Open Class y Striders. E ekiponan; Rough Riders, Speedworx, Street Wise y Crash Test Dummies a duna un tremendo prestacion den e BMX Race 2022. Minister Endy Croes ta felicita e organisadonan pa organisa un tremendo competencia pa nos hobennan. Alabes ta felicta e atletanan cu a participa pa haci e competencia uno exitoso. Cu e deseo, disciplina, dedicacion y determinacion bo ta logra tur bo metanan den deporte Masha pabien na e ganadonan!

Noticia

Director di Hospital cu audiencia na Gobernador di Aruba

Parti di e funcionamento (actividadnan di trabou) di un Hunta di Directiva ta reuni regularmente cu alto dignatarionan y stakeholdernan importante. Ta esencial pa informa otro di asuntonan cu ta andando, pa ‘brainstorm’ riba opcionnan y tambe futuro. Horacio Oduber Hospital tin un impacto social di sumo importancia pa e comunidad di Aruba, turistanan y tambe e indocumentadonan. E importancia pa tin un hospital cu ta operaciona mane debe ser, ta financieramente saludabel, amabel y calitativamente fuerte ta esencial pa e salud publico y e continuacion di turismo cual ta e pilar economico.