Minister Dangui Oduber: LOGRONAN DI SALUD PUBLICO DEN E PROME AÑA DI GOBERNACION
ORANJESTAD – Ya caba ta marca e prome aña den gobernacion di Gabinete Wever-Croes II. Den cuadro di esaki Minister di Turismo y Salud Publico sr. Dangui Oduber ta elabora riba e logronan mas importante pa pais Aruba pa locual ta ministerio di Salud Publico. Minister Oduber a menciona cu su maneho ta basa riba mehoracion di e servicionan, mehoracion di e calidad di cuido y enfoca riba e parti di prevencion, invertiendo den esaki. Den e maneho aki lo percura pa ehecuta e Plan Nacional di Prevencion cu ta un plan cu a wordo crea hunto cu tur stakeholders den cuido na Aruba.
Minister Dangui Oduber: LOGRONAN DI TURISMO DEN E PROME AÑA DI GOBERNACION TA IMPRESIONANTE!
ORANJESTAD – Despues di e aña Parlamentario ya ta marca e prome aña den gobernacion di Gabinete Wever-Croes II. Den cuadro di esaki Minister di Turismo y Salud Publico sr. Dangui Oduber ta elabora riba e logronan mas importante pa pais Aruba pa locual ta trata ministerio di Turismo. E prome aña di gobernacion pa locual ta e nos turismo sigur tabata uno hopi exitoso y nos por ta hopi orguyoso di e prestacion di nos turismo, asina e mandatario a expresa.
Prome Minister Evelyn Wever-Croes: A ATENDE APERTURA DI ASAMBLEA GENERAL DI NACIONNAN UNI NA NEW YORK.
E siman aki, Prome Minister Evelyn Wever-Croes conhuntamente cu demas Minister den Reino a biaha pa New York pa atende e apertura di e Asamblea General di Nacionnan Uni. Den transcurso di siman lo tin varios reunion programa, especialmente cu Secretario General sr Antonio Guterres na unda tin e oportunidad pa cada isla trece nan puntonan di preocupacion padilanti.
Invitacion pa WEBINAR UNICO: DNA Antiguo y historia genetico di Caribe cu dr. Katrin Nägele di Alemania
Gustosamente MANA (Museo Arqueologico Nacional Aruba) ta extende un invitacion special na tur interesado di arkeologia y historia di Aruba pa participa na e webinar menciona, cu lo tuma lugar dia 29 di september cuminsando pa 2 or di merdia. E lectura digital ta tocante DNA antiguo, cu ta material di “cromosoma” saca di restonan arkeologico. E tecnica pa saca DNA antiguo a revoluciona e ramo di arkeologia y a resulta den perspectivanan nobo riba historia di humanidad y riba historia di nos famianan.
Minister Dangui Oduber: A funda Aruba Port Development N.V. cu lo encarga su mes cu e proyecto di Port City
ORANJESTAD – Dialuna a tuma lugar e fundamento di Aruba Port Development N.V. caminda minister di Turismo y Salud Publico sr. Dangui Oduber, director di APA NV sr. Figaroa y presidente di hunta di comisario sr. Dubero tabata tey presente. Aruba Port Devolopment N.V. lo bay keda encarga pa maneha henter e proyecto di Port City
Minister Geoffrey Wever na Parlamento di Aruba:
Aruba Fair Trade Authority ta den fase di implementacion
Dialuna den un openbare bijeenkomst den Parlamento di Aruba, Minister di Asuntonan Economico, mr. Geoffrey Wever, a presenta mas informacion y contesta preguntanan di parlamentarionan den cuadro di e trayectorio di implementacion di e Aruba Fair Trade Authority (“AFTA”).
Minister Dangui Oduber: SECTOR DI HORECA A HAYA UN PRESENTACION DI E SISTEMA NOBO DI DIGITALISACION DI PERMISO
ORANJESTAD – Dialuna mainta Sr. Oduber, minister di Turismo y Salud Publico, a tene un reunion informativo cu diferente stakeholders’ den cuadro di digitalisacion di permiso. Pa minister Oduber ta importante pa elimina e “red tapes” cu tini. E reunion tabata uno sumamente informativo y fructifero caminda cu tur stakeholder a haña un presentacion di con e sistema aki lo ta traha una bes cu e proyecto wordo finalisa.
LOGRONAN DEN PROME AÑA DI MINISTERIO DI ENSEÑANSA Y DEPORTE
ORANJESTAD: Aruba ta traspasando den retonan grandi saliendo for di un Pandemia y memey di e guera di Ukrania y Rusia cual ambos a impacta mundo henter. No obstante esaki gobernacion a continua y goberna den un crisis mundial ta keda dificil, pero cu boluntad, cu amor patria, cu guia di nos Señor y sosten di nos pueblo nos a logra concretisa logronan importante na bienestar general di nos pais durante e prome aña di gobernacion di Gabinete Wever – Croes II cual a culmina dia 20 di september. Como Minister di Enseñansa y Deporte di e prestigioso Gabinete aki mi kier a repasa y comparti parti nan importante di e prome aña di trabou.
Prome Minister Evelyn Wever – Croes:
PROYECTO “REFUGIO SOCIAL” A KEDA CLA AWOR ARUBA TIN UN SHELTER PA HENDE HOMBER
ORANJESTAD – Recientemente a tuma luga un ocasion hopi special. Prome Minister tabatin e honor pa efectua e traspaso di yabi di e proyecto “Refugio Social”. Ta trata di un proyecto cu a wordo financia door di fondonan cu Hulanda a pone disponibel den cuadro di crisis di Venezuela. Prome Minister ta gradici e organisacionnan Bureau Rampenbestrijding, Fundacion Refugio Social y CEDE Aruba pa a coordina e proyecto aki. Particularmente CEDE Aruba cu a aplica pa e fondonan.