Deporte Gobierno

MINISTER ENDY CROES A REUNI CU DIRECTIVA DI CENTRO DI BARIO Y DEPORTE DAKOTA.

ORANJESTAD: Recientemente Minister Endy Croes a ricibi bishita di Presidente di Centro di Bario y Deporte Dakota, sr. Jair Oduber y sra. Anky van der Linden -Vrolijk, Trahado Social. Nan a acerca e mandatario di Deporte pa informe di e ultimo desaroyonan di Centro di Bario y Deporte Dakota. Como tambe pa presenta e plannan di un bunita proyecto cu nan ta trahando ariba dje, esta un cancha di basketball/ multi funcional den e centro di bario pa renoba, estilo di e cancha na Xavier University School of Medicine uzando e mes un materialnan

Gobierno Husticia

Minister Rocco Tjon:
PROYECTO DI “CAMERA TOEZICHT” DEN PLENO PREPARACION

ORANJESTAD – Durante un reunion cu e comision encarga pa ehecucion di prome fase di e proyecto di camera toezicht a toca e diferente fasenan di e proyecto. Manera ta conoci a aproba fase 1 di e proyecto aki, caminda SETAR lo bay instala bastante camera den area di Hotel. Un di metanan ta pa amplia e cantidad aki, pa cual motibo e comision hunto cu Minister di Husticia y Asuntonan Social Sr. Rocco Tjon lo reuni den November, cu diferente stakeholders di sector priva y semi publico asina pa amplia esaki y asina garantisa cu por percura pa cameranan pa cu infrastructura vital y diferente areanan publico.

Finansas Gobierno

Premier Evelyn Wever – Croes:
PLAN FISCAL 2023 TA INCLUI DIFERENTE COMPENSACION PA TRECE ALIVIO FINANCIERO DEN COMUNIDAD

ORANJESTAD – Siman pasa colega Minister di Finansa Xiomara Maduro a presenta e Plan Fiscal 2023. Prome Minister Evelyn Wever – Croes ta felicita henter e ekipo cu a bin cu un plan teniendo na cuenta mas tanto aspecto cu ta posibel. Den e plan ta cuminsa enfoca riba con pa haci finansa mas sostenibel y ta bin na mes momento cu compensacion considerando cu costo di bida ta halto na Aruba.

Gobierno

Minister Xiomara Maduro: Fondo pa mehora e producto turistico ta estrena un logo nobo y nan website www.tpef.aw

Siman pasa a tuma luga un evento caminda e fondo pa mehora e producto turistico, Tourism Enhancement Fund, conoci como TPEF, a conoce un logo nobo y como tambe nan a lansa nan website www.tpef.aw . Cu e pagina aki TPEF por tene comunidad informa riba tur e proyectonan cu ta wordo financia pa e fondo importante aki pa turismo di nos Pais. Minister di Finansa Xiomara Maduro tabata presente y a haci uso di e oportunidad pa gradici personalmente e hunta di TPEF, specialmente e dos dama profesional cu ta representa Ministerio di Finansa y Cultura den TPEF. Pa medio di e fondo aki varios proyecto ta wordo realisa pa mehora e producto turistico Aruba.

Politica

Parlamentario Marco Berlis (MEP):
E importancia pa ta un ehempel pa nos yiunan

No tin un heroe ni un ehempel mas grandi cu e mayornan di un mucha. Ora muchanan ta hopi chikito nan ta imita tur loke nan mayornan ta haci y ta bisa. Mayornan ta e modelo cu nan ta anhela pa sigui. E muchanan ta crece admirando nan mama y tata sea cual sea e ehempel. Pesey, como mayornan nos mester ta consciente di e impacto cu nos ta crea den nos yiunan. Nos no por djis siñanan tocante di respet, bon manera, eticanan, principionan y bon habitonan; “nos mester duna ehempel di esakinan den nos estilo di bida diario.” No tin un poder y influencia mas grandi cu esaki. E conexion y amor cu ta existi entre e mayornan cu nan yiu, ta determinante pa cu nan desaroyo. E ta precisamente den edad hoben di e muchanan, cu e mayornan tin e oportunidad pa forma e caracter, moral, habito, rasonamiento y motivacion den nan.

Noticia

ALERTA PA MAL TEMPO # 1

Synopsis: Periodonan cu awacero di varios intencidad ta wordo spera di mainta trempan 6 di Oktober te Diasabra 8 di Oktober, riba Aruba y cercania ora un ola tropical activo cruza den nos region bayendo west. Desaroyo of no di e sistema aki, e lo trece un chance halto pa awacero modera te pisa localmente cu por trece cantidadnan di 25 te 45 mm durante e period ei. Bientonan di 50 te 60 km/ora por wordo spera den rafaga, especialmente den awacero modera te pisa cu lamper y strena. Awacero modera te pisa por causa molester na cierto partinan.

Finansas Gobierno

Minister Maduro di Finansa ta informa: Ta preparando un Memorando Financiero Economico nobo pa Aruba

Na 2018 Minister di Finansa a laga traha un Memorando Financiero Economico FEM cu tabata e guia pa Gabinete Wever-Croes traha pa yega na un finansa publico balansa. E FEM a sirbi como base pa stipula un caminda pa yega surplus den aña 2021, pero na fin di aña 2019 caba Aruba a yega na e situacion di un surplus despues di 12 aña cu nos Pais a conoce solamente deficit presupuestario. Pa aña 2020 a premira un surplus di 46 miyon florin, pero destino a dicidi otro cu e pandemia di COVID cu a afecta Aruba su economia y finansa publico grandemente.

Education Gobierno

MINISTER ENDY CROES A RICIBI E TESIS DI THALIA CROES

ORANJESTAD: Siman pasa, Minister Endy Croes a ricibi bishita di Thalia Croes kende a finalisa su estudio di Organization Governance and Management (OGM) na Universidad di Aruba. Den cuadro di su estudio Thalia a haci un investigacion titula: “What influence do principles leadership styles have on teacher job satisfaction according to schoolboards, principals and teachers of four primary schools in Aruba”. Thalia a haci un investigacion riba e forma con e cabesantenan di scolnan basico ta lidera nan scolnan y con satisfecho maestronan ta cu esaki.

Politica

Partido MEP na Marisol Lopez-Tromp:
INVESTIGACION ARUBAHUIS TA ANDANDO Y MANERA CAD KEDA CLA LO INFORMA PARLAMENTO.

Partido MEP a tuma nota cu un biaha mas Parlamentario Marisol Lopez-Tromp no por funciona y sigui haci su trabou mientras cu investigacionnan di Arubahuis no keda cla.
Algo cu ta incomprendibel pasobra ta hopi trabou un parlamentario tin pa Lopez-Tromp ancra su mes na na un meta y tranca su mes un trabounan como sirbidor di pueblo. Mientras tambe cu varios biaha Prome Minister di nos pais a splic’e cu e investigacionnan na Arubahuis ta biniendo cla y enfatisando cu manera e investigacionnan ta cla, Prome Minister mes lo anuncia esaki. Pero un biaha mas Lopez-Tromp ta mustra cu e no tin confiansa den nos profesionalnan di Centrale Accountantsdienst (CAD).

Deporte Gobierno Social

MINISTER ENDY CROES A REUNI CU ARUBA DOMINO BOND CU TA PREPARANDO PA REPRESENTA ARUBA DEN E CAMPEONATO MUNDIAL DI DOMINO.

ORANJESTAD: Recientemente Minister Endy Croes a reuni cu presidente di Aruba Domino Bond, sra. Zulaika Boekhoudt y miembronan di directiva, sr. Anthony Trimon y sr. Andy Farro. Durante e reunion fructifero directiva di Aruba Domino Bond a haci peticion na e mandatario di Deporte pa sostene e atletanan cu ta participando den e campeonato mundial. E peticion di e directiva ta encera pa duna un sosten door di paga e placa di e competencia di cada hungado, pa por participa den e toreno aki. E campeonato mundial di domino ta tuma luga fin di luna di october na Punta Cana, Republica Dominicana. Un total di 600 participante di diferente parti di mundo cu ta competi na e torneo internacional aki. Minister Endy Croes a indica di lo cumpli cu Aruba Domino Bond pa nan por participa. Concluyendo e mandatario di Deporte ta desea e ekipo di Aruba hopi exito y cu e deseo, disciplina, dedicacion y determinacion boso ta logra.