Politica Turismo

Parlamentario Marco Berlis (MEP):Pa di 5 luna consecutivo nos tin un luna record den turismo!

Augustus 2022 a conoce otro luna record den turismo compara cu 2019. Ta compara resultadonan di 2022 cu 2019, pasobra esaki anteriormente tabata e aña record pa nos turismo. Compara cu 2019 nos a recupera 105% di nos turismo, cu ta un logro enorme, considerando cu esaki ta pasando pa 5 luna consecutivo caba! Esaki ta significa cu nos pais y nos empresanan local ta cosechando mas y nos economia por recupera mas liher pasobra tin mas entrada cu ta drenta e caha di gobierno. Esaki sigur lo sigui yuda baha e deficit y por habri porta pa inversionnan den futuro, den nos pais.

Noticia Salud

SVb y Cambio Maneho Covid-19

Riba 12 september 2022 Gobierno di Aruba a anuncia un cambio di maneho, cual ta encera cu no ta obligatorio mas na Aruba pa haci test di Covid-19. Tambe no ta obliga mas pa esnan infecta cu Covid-19 pa bay den cuarentena of isolacion

Gobierno

Premier Evelyn Wever – Croes: TA FELICITA COLEGIO LAURA WERNET PASKEL CU 60 AÑA DI EXISTENCIA

ORANJESTAD – Colegio Laura Wernet-Paskel ta celebrando 60 aña di existencia di e scol. Scol Laura Wernet-Paskel ta un scol cu durante 60 aña a yuda educa hopi di nos muchanan specialmente di e bario Cadushi Largo na Santa Cruz y na un forma hopi ehemplar a forma ciudadanonan di e bario. Tambe a celebra 2 hubilario esta Juffrouw Winifred Kaarsbaan ‘Frida’ cu a cumpli 25 aña di servicio y Juffrouw Milène Croes-Feliciana cu a celebra 30 aña di servicio. Na mesun ocasion di aniversario di e scol, ta para keto na e 60 aña di fayecimento di señora Laura Wernet-Paskel. Na e celebracion a asisti tambe Minister di Enseñansa Endy Croes y Juffrouw Baily.

Gobierno

Minister Endy Croes: PALABRANAN DI PABIEN NA COLEGIO LAURA WERNET PASKEL CU A CELEBRA 60 AÑA DI EXISTENCIA.

ORANJESTAD: Diadomingo ultimo Colegio Laura Wernet Paskel a celebra 60 aña di existencia alabes a recorda fayecimento di e gran persona sra. Laura Wernet – Paskel.  Na bida sra. Wernet – Paskel tabata mama, docente, e prome politico femenino y autor cu a laga su marca y historia graba den enseñansa y comunidad di Aruba. E prome hende muhe cu a sigui su educacion na Hulanda. Presente na e ocasion special aki tabata Minister Endy Croes conhuntamente cu Prome Minister Evelyn Wever – Croes, directora di SKOA, sra. Anuesca Baly y demas invitadonan special.

Noticia

Suzette Dumfries Economista y Antroplogo Psicologico

Aruba ta haya su mesun plataforma pa hende comun y coriente siña prospera financieramente y crea rikesa.Despues di a forma parti integral di e transformacion impactante di economia di Dubai, Suzette Dumfries – cu ta un Economista Cultural y un Antroplogo Psicologico- a dicidi cu su ora a yega pa haci algo bek pa su pais y su mesun hendenan.

Gobierno

Prome Minister ta gradici henter pueblo PA E COMPORTACION EHEMPLAR PA YUDA BRINGA E CRISIS DI COVID

Prome Minister Evelyn Wever-Croes dialuna ultimo a anuncia cu desde dialuna 12 di september, 2022, a de-escala e fase di crisis y ta bay den fase di rehabilitacion cu lo dura te cu 31 di december di e aña aki. Crisis team no ta bay traha mas cu e landsbesluit, e decreto, ni e ‘ministeriele regelingen’ basa riba e ley di calamidad. E landsbesluit den cual a decreta Covid como un crisis, a wordo hala aden desde e fecha menciona.

Noticia Salud

Meta principal ta pa forma parti di educacion, inspiracion y desaroyo.

Diamars, dia 6 di augustus, LabHOH a haci un bunita gesto di un tremendo donacion pa muchanan di Nos Fortalesa Montessori Children’s House. Un donacion di gran balor mirando cu educacion ta parti esencial di LabHOH su vision pa futuro y claro aporta na inspira y desaroyo di nos muchanan. E donacion tabata den forma di dos microscop cu ta aporta na descubrimentonan di mucha durante nan educacion cientifico.