Parlamentario Dangui Oduber: Mientras minister Wever ta GABA cuanto placa Arubatin, E cu minister Gerlien Croes ta cla pa bende Aruba su autonomia financiero!

Cada bes nos scucha minister Wever papia nos ta scucha con bon e situacion financiero di
pais Aruba ta. Recientemente el a declara cu e prome kwartaal Aruba a ricibi mas di 400
miyon florin extra. E ta ‘show off’ cu e surplus y ta gaba cuanto placa extra gobierno lo tin e
aña aki. Mientras cu pais Aruba tin un surplus di 500 miyon florin, minister Wever ta gaba
con bon e situacion financiero ta, pais Aruba ta cumpliendo cu tur e normanan ancra den e
Landsverordening Aruba financieel toezicht y nos debe ta bahando considerablemente,
minister Wever y minister Gerlien Croes ta cla pa bende nos Libertad, bende nos autonomia y
bende nos pais pa un sakito di placa.
Pa e sakito di placa cu nan ta bendiendo nos pais lo bay costa nos a largo plazo nos Libertad
y Status Aparte. Ta hendenan cu NO ta kere den nan mes, kere den nos propio forsa, nos
propio Arubianonan so por bende Aruba di e forma aki. Ta hendenan cu no tin amor y
stimacion pa e pasi aki so por bende nos Libertad sin motibo y sin hustificacion. Ta hende
nan cu NO ta balora nos autonomia y Libertad so ta cla pa bende nos barata asina.
Nos a cuminsa cu un accion di firma y lo ta den tur skina Aruba pa asina para e bendemento
di nos Libertad y para cu e baby di Geoffrey Wever, Mike Eman y Gerlien Croes cu yama
HOFA sigui existi.
Ta importante nos splica kico ta e consecuencianan di un rijkswet pa nos Libertad:

• Parlamento di Aruba NO por VOTA pa e rijkswet HOFA aki. Ta 150 miembro di
  Tweede Kamer lo por vota pa e e rijkswet.
• Parlamento di Aruba NO por trece NINGUN cambio den e rijkswet HOFA
• Autonomia financiero ta wordo entrega den man di Conseho di minister di Reino
  (Hulanda)
• NO por haci cambio den presupuesto SIN aprobacion di Conseho di minister di Reino
  (Hulanda)
• Aruba NO ta sali nunca mas for di e rijkswet HOFA
  Pa tur e motibonan aki nos mester percura pa e ley di reino aki HOFA no bira realidad. Nos
  por ta chikito, pero nos ta orguyoso di por defende nos Libertad. Aruba a desaroya y crece
  danki na nos Status Aparte y Libertad y esaki ta algo cu mester wordo balora y conserva. Nos
  no por permiti cu ‘fly by nights’ manera Partido Futuro ta bende nos pais!