𝐎𝐭𝐦𝐚𝐫 𝐎𝐝𝐮𝐛𝐞𝐫 𝐛𝐞𝐤 𝐝𝐞𝐧 𝐩𝐨𝐥𝐢𝐭𝐢𝐜𝐚?

Informacion hopi insistente cu Otmar Oduber pronto lo anuncia su re ingreso den politica !

Santa cruz- Recientemente nos di Bo Informado a ricibi e noticia cu sr Otmar Oduber lo drenta bek den politica.Nos reportero a buska di contacta sr Oduber pero no a logra ya cu e ta den exterior. Si nos a ricibi confirmacion di hende nan hopi serka na sr Oduber cu e lo ta bek den politica. Nos por corda cu na anja 2013 su pesona tabata e second vote getter di Aruba.

Na 2016 sr Oduber a funda un partido politico nobo POR,cual e la haya 2 asiento y la bira minister di Infrastructura y Medio Ambiente. Na 2019, na luna di December a dicidi pa motibo nan di salud,familiar y personal bandona e Gobierno. Na luna di Mei 2022 sr Oduber a wordo deteni como sospechoso pa e caso cu a haya e nomber Flamingo. Wardado riba Ministerio Publico cu tin e caso aki hermeticamte sera,pa wak con e caso aki lo sigi ya cu for di December 2022 e investigacion nan a termina.

Sr Oduber hunto cu su abogado mr Carlo durante dos rueda di prensa e aña aki, despues di tawata ta den un silencio largo, a laga sa cu ta sinti cu ministerio publico ta buscando kon pa scapa nan cara paso a laga tur acusacion inicial cai pa despues buska excusanan pa sigi cu e caso. Sr Oduber a hasta entrega keho contra RST y algun funcionario di KPA y Landsrecherge na OM.

Un posibel re integracion di sr Oduber den politica sin duda lo trece un biento nobo y fuerte atrobe den e politica local. Di un banda ta worde papia di lo ta join un partido existente grandi pero tambe den e mesun seno serca di e ex minister ta worde papia di un posibel take over di PPA of POR mes.